السلطة الآسيوية بالنودلز والدجاج 🍜

58E6FCE3-F4EE-4DDB-A4F3-E3262271EA25

مرحبا، بشارككم وصفة سلطة لذيذة جدا وعلى الرغم من اني انتظر نتائج اختبار الحساسية اللي اجريته الاسبوع اللي فات واحتمال كبير اغير بالوصفة بناء على النتائج لكن بشارككم الوصفة الأساسية حاليا وممكن اشارككم التغييرات اللي بجريها بعدين

السلطة مكونة من خس مدور مقطع لشرايح طويله وفوقه ايدمامي مقشر “فول الصويا” مع دجاج متبل تتبيلة آسيوية وآخر طبقة نودلز رز مقرمشة ومقلية.

الخس بسيط بس يقطع قطع طويلة ونحيفة تقطيع ستايل آسيوي، الايدمامي يسلق نفس الارشادات المكتوبة على كيسته، الدجاج فتحت الصدر بحيث صار نحيف جدا ممكن اذا سويت الوصفة مرة ثانية اصور لكم تفاصيل الإعداد اوضح

تبلت الدجاج بزيت سمسم محمص ممكن تستخدمون عادي وشوية ليمون وصويا صوص مالحة مع فلفل اسود وزنجبيل بودرة وفص ثوم مبشور بهذي الاداة، صراحة ما قست الكميات بس ممكن تجهزون التتبيلة وتذوقونها قبل تحطونها على الدجاج واذا اعجبتكم النكهة تتبلونها اذا حسيتوا تبغون تعدلون الكميات يصير لسى عندكم فرصة، بعد التتبيل ينشوي عادي انا استخدمت مقلى ممكن تحطونها بقلاية هوئية لكن انا ما جربت.

lemon-zester-3-300x300.jpg

ميزة هذي الاداة تبشر الثوم بشكل ناعم واحسه مناسب للتتبيل

بعدين طبقة النودلز انا استخدمت هذي الماركة مكوناتها رز مطحون وموية فقط ما فيها خرابيط طريقتها انك تحمين زيت لين يصير حار مرة درجة الحرارة مهمة لذلك بالبداية جربوا شعرة شعرة اذا حطيتوا شعرة وانتفخت خلال ثواني معناها وصلتوا درجة الحرارة الصحيحة. وانتبهوا لا تسوون زي خطأي استخدمت كمية حسيتها كافية ويوم قليتها طلعت لي كمية مهولة لدرجة غبيتها اتوقع استهلكها خلال اسابيع مستحيل تخلص من مرة او مرتين مع ملاحظة اني استخدمت اقل من ربع الكيسة

وملاحظة بخصوص قلي النودلز انا ما احب القلي ومستحيل اقلي بس هذي ما تاخذ وقت ولا حسيت انها طلعت ريحة يمكن عشان طبيعة مكوناتها؟ بس لا تترددون بسبب هذي الخطوة سهلة جدا وهي اللي تاخذ الطبق لمستوى ثاني وما تطلع ريحة زي الاكل المقلي.

item_XL_12075611_18159181.jpg

أخر شيء صوص السلطة ونفس الحكاية ما عندي مقادير كل شيء بالنظر لكن المكونات زيت زيتون ليمون صلصة صويا معتدلة زنجبيل سمسم بصل اخضر.

الصوص جدا لذيذ وخفيف وفيه قاعدة لتحضير صوصات السلطة اذا ما تعرفونها فهي ان الزيت لازم يكون ثلاث اضعاف كمية الخل او الليمون او اي مكون حامض مثلا اذا حطيتوا ملعقة ليمون لازم تحطون ثلاث ملاعق زيت، الصويا المعتدلة بتكون مكون يمزج الزيت بالليمون مع بعض.

السلطة لذيذة جدا لا تفوتكم ممكن ينحط مع الخس ملفوف لكن بما اني ما جربتها فما كتبتها بالوصفة الأساسية بكتب لكم المكونات تحت مرتبة

 

  1. خس مدور
  2. ايدمامي “فول الصويا” تلقونه غالبا مجمد
  3. صدور دجاج
  4. نودلز بالرز

تتبيلة الدجاج:

  1. زيت سمسم
  2. ليمون
  3. صويا مالحة
  4. فلفل اسود
  5. زنجبيل بودرة
  6. ثوم

صوص السلطة:

  1. زيت زيتون
  2. ليمون
  3. صويا معتدلة
  4. زنجبيل بودرة
  5. سمسم
  6. بصل اخضر

بالعافية.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s